Van Persie aipeleka Manchester robo fainali.

Mabingwa wa soka nchini Uingereza Man Utd usiku wa kuamkia hii leo waliushangaza ulimwengu baada ya kuchomoza na ushindi wa mabao matatu kwa sifuri dhidi ya mabingwa wa soka kutoka nchini Ugiriki Olympiakos kwenye michuano ya ligi ya mabingwa barani Ulaya.

Man Utd ambao walikua nyuma kwa mabao mawili kabla ya mchezo huo, walikamilisha azma ya kusaka namna ya kusonga mbele kwenye michuano hiyo mikubwa barani Ulaya kwa ngazi ya vilabu, kupitia mabao yaliyofungwa na mshambuliaji kutoka nchini Uholanzi Robin Van Parsie.

Mara baada ya mchezo huo meneja wa mashetai wekundu David William Moyes, alionyesha furaha ya wazi alipokua akizungumza na vyombo vya habari ambapo aliwapongeza wachezaji wake kwa kuwaita mashujaa wa ukweli.

Moyes ambae alikua hapewi nafasi ya kukifikisha kikosi cha Man utd kwenye hatua ya robo fainali ya michuano ya ligi ya mabingwa barani Ulaya msimu huu, amesema alilolikusudia limetimia na sasa anafikiria namna ya atakavyokiwezesha kikosi chake kucheza vyema katika mchezo wa hatua ya robo fainali.

Amesema ushindi wa mabao matatu umekuja katika muda muafaka, hasa ikizingatiwa walipoteza mchezo wa mwishoni mwa juma lililopita kwa kukubali kufungwa mabao matatu kwa sifuri dhidi ya Liverpool kwenye harakati zao za kutetea ubingwa wa nchini Uingereza.