Baada ya Ushindi dhidi ya Galatasary UEFA hii ndio video inayomuonesha Jose Mourinho akiwa ameridhia kupangwa na yeyote Ulaya

Baada ya kuchomoza na ushindi wa mabao mawili kwa sifuri yaliyofungwa na beki kutoka nchini Uingereza Garry Cahil pamoja na mshambuliaji kutoka nyumbani Afrika katika nchi ya Cameroon Samuel Eto’o dhidi ya klabu ya Galatasaray, meneja wa klabu ya Chelsea Jose Mourinho amekipongeza kikosi chake kwa kusema kilicheza kwa kujiamini wakati wote.

Jose Mourinho amesema wachezaji wake alionyesha kujituma na kujiamini dhidi ya wapinzani wao kutoka nchini Uturuki na mwisho wa dakika 90 furaha ilielekea upande wa The Blues ambao wametinga katika hatua ya robo fainali ya michuano ya ligi ya mabingwa barani ulaya.

Mourinho amesema baada ya mafanikio hayo, hana budi kukubalia kikosi chake kupangwa na timu yoyote katika hatua ya robo fainali huku akiamini moto ya ushindi utaendelezwa kwa ajili ya kusaka malengo waliyojiwekea msimu huu.